Forcat ruse kanë bombarduar vendbanimet e civilëve në zonën e Harkivit, ndërsa po tentojnë të përparojnë në rajonin lindor të Donjeckut, tha ushtria e Ukrainës. Këto njoftime vijnë teksa Rusia ia ka lënë fajin sabotimit për shpërthimet në një nga bazat e saj ushtarake në Krimenë e aneksuar nga Moska, pasi ka pasur sugjerime nga Kievi se ai ishte përgjegjës për shpërthimet. Në Moskë, Ministria e Mbrojtjes pranoi një ditë më parë se ka shpërthyer një depo e municionit rus në Krimenë e aneksuar, duke lënë të plagosur të paktën dy persona dhe duke detyruar evakuimin e mijëra banorëve që jetojnë në afërsi. Ministria fajësoi sabotatorët për shpërthimin, një pranim i rrallë se grupet e armatosura, besnike ndaj Ukrainës, po dëmtojnë logjistikën ushtarake dhe linjat e furnizimit në territoret e kontrolluara nga Rusia. Zyrtarët ukrainas kanë shmangur marrjen e përgjegjësisë për incidentet, por disa duket se kanë sugjeruar se Kievi ka qenë i përfshirë në këto shpërthime. Krimea është aneksuar nga Rusia më