Sllovakia është përfshirë në një vale protestash kundër qeverisë, e shkak është bërë Rusia. Mijëra qytetarë kanë mbushur rrugët e sheshet e kryeqytetit kundër politikave pro-ruse të qeverisë së kryeministrit Robert Fico. Protestat e rregullta shpërthyen pasi Fico vizitoi Moskën për të zhvilluar bisedime me presidentin rus Vladimir Putin në fund të dhjetorit, një vizitë e rrallë në Kremlin nga një udhëheqës i Bashkimit Evropian që kur Rusia nisi një pushtim të plotë të Ukrainës në shkurt 2022. Kjo solli që turma të mëdha qytetarësh të ngriheshin në këmbë kundër tij dhe qeverisë së drejtuar nga ai. Fico ka bërë gjithashtu kërcënime sporadike për tërheqjen e Sllovakisë nga Bashkimi Evropian, një veprim që zemëroi shumë në vend.Protestuesit e akuzojnë atë për rreshtimin e Sllovakisë me Rusinë dhe distancimin nga Evropa dhe kanë kërkuar dorëheqjen e tij. Protestuesit brohoritën “turp” në Sheshin e Lirisë në kryeqytetin Bratislavë. Krahas protestave në Bratislavë tubime të mëdha janë zhvilluar edhe në 40 qytete të tjera, duke e konsideruar Fico-n si një tradhtar dhe se Sllovakia është dhe do të jetë europiane.