Rreth 30,415 njerëz, përfshirë afro 8,000 fëmijë janë evakuuar nga zonat në kufi me Ukrainën për shkak të bombardimeve dhe sulmeve, tha komisionerja ruse për të drejtat e njeriut. Tatyana Moskalkova, tha në një intervistë se të evakuuarit janë vendosur në gati 1,000 qendra të përkohshme strehimi në të gjithë Rusinë. Ukraina, e cila po përballet me pushtimin rus që nga shkurti i vitit 2022, është kundërpërgjigjur me bombardime dhe sulme në rajonet kufitare të Rusisë, me ushtrinë që thotë se sulmet synojnë infrastrukturën kyçe për përpjekjet luftarake të Moskës. Forcat ukrainase filluan një inkursion në rajonin e Kurskut në gusht, duke marrë nën kontroll dhjetëra vendbanime dhe duke mbajtur shumicën e pozicioneve që atëherë. Moskalkova tha ndërkohë se kishte më shumë se 1,000 shtetas rusë nga Kursku, vendndodhja e të cilëve nuk dihet, dhe që mendohet se janë marrë nga forcat ukrainase. Të dyja palët mohojnë se kanë shënjestruar apo burgosur civilë, por mijëra njerës kanë vdekur në luftë, shumica dërrmuese e tyre ukrainas.