Kievi tha se 93 të burgosur ukrainas të luftës janë ekzekutuar nga Rusia. Shifrat u dokumentuan në një program leleviziv nga zyrtari rendit që meret me hetimin e krimeve të luftës, Yuriy Belousov. “Tani kemi informacion për vdekjen e 93 ushtarëve tanë të cilët ishin ekzekutuar në fushëbetejë”, tha ai ndërsa sqaroi se rreth 80 për qind e ekzekutimeve janë regjistruar gjatë këtij viti. Më 1 tetor, Zyra e Prokurorit të Përgjithshëm njoftoi se kishte hapur hetim për atë që e përshkroi si “ekzekutiv masiv” të të burgosurve ukrainas të luftës nga trupat ruse që nga nisja e pushtimit rus të Ukrainës në shkurt të vitit 2022. Sipas deklaratës së publikuar nga kjo zyrë, forcat ruse së fundi kanë vrarë 16 “të burgosur ukrainas të luftës” pranë fshatrave të Mikolajivit dhe Suki Jarit, në qarkun e Pokrovskut të rajonit të Donjeckut. Ndërkohë në disa kanale në Telegram kanë qarkulluar video të ndryshme që shfaqin forcat ruse duke vrarë ushtarët ukrainas. Sipas ligjit ndërkombëtar humanitar, ekzekutimi i ushtarëve pas dorëzimit konsiderohet krim lufte.