Zyrtarët ukrainas thanë se Rusia ka lëshuar 28 dronë dhe tre raketa gjatë natës së shkuar dhe si pasojë e sulmeve në qutetin Dnipro janë plagosur 12 persona. Edhe pse në shkallë më të vogël sesa sulmet e fundit ajrore, sulmi i mbrëmshëm është treguesi i fundit se Rusia nuk ka ndërmend të ndalet së shënjestruari infrastrukturën civile ukrainase, që shpesh është larg vijave të frontit. Në një postim në Telegram, Forcat Ajrore të Ukrainës thanë se mbrojtja ajrore ka shkatërruar 21 nga 28 dronët, që kryesisht shënjestruan lokacione në jug dhe lindje të shtetit. “Armiku po e zhvendos fokusin e sulmeve në territoret në vijën e fronit: rajonet e Hersonit dhe Dnipropetrovskit janë sulmuar nga dronët”, tha zëdhësi i Forcave ajrore, Yuriy Ihnat, për një televizion ukrainas. Në qytetin Dnipro, që gjendet në Ukrainën qendrore, 12 persona u plagosën nga një sulm me dronë, thanë autoritetet rajonale. Gjatë dy javëve të fundit, Rusia ka lëshuar pothuajse 300 raketa dhe ka kryer sulme me mbi 200 dronë në Ukrainë, si pjesë e përpjekjeve të saj për të terrorizuar popullatën civile dhe për të dëmtuar moralin e tyre.