Rusia duket se u përpoq të bënte që avioni i Azerbajxhanit të rrëzohej në det duke refuzuar lejen për ta lënë atë të ulej pas një sulmi raketor përpara se të bllokonte sistemin e tij të navigimit. Një raketë ruse tokë-ajër goditi avionin në ditën e Krishtlindjes, duke shkaktuar rrëzimin e tij në Kazakistan - një tragjedi që mori jetën e 38 personave. Burimet thanë se avioni u qëllua me një raketë, në mesin e një aktiviteti ajror dronësh mbi Grozny, kryeqytetin çeçen, duke cituar një hetim paraprak. Ata thanë se piloti ishte ndaluar të ulej në çdo aeroport rus, pavarësisht se bëri lëshoi thirrje emergjence, dhe në vend të kësaj u urdhërua të vazhdonte për në Kazakistan. Mediat në azerbajxhan kanë konfirmuar se avionit iu mohua ulja e emergjencës në rusi, në tre pista të afërta, pavarësisht gjendjes së tij kritike. Sipas tyre, avioni u përball edhe me bllokimin e sistemit GPS, cka e detyroi pilotin të devijonte kursin mbi detin kaspik dhe përfundimisht tentoi të ulej në Aktau të kazakistanit. Mediat cituan burime qeveritare duke sugjeruar se bllokuesit 'paralizuan' sistemet e komunikimit të avionit'. Sipas të dhënave të Flightradar24, avioni u nis nga kryeqyteti i Azerbajxhanit, Baku, në orën 03:55 të mëngjesit dhe të dhëna të vlefshme u morën nga avioni deri në orën 04:25 të mëngjesit kur ai u përball me probleme në GPS. Avioni nuk ofroi më të dhëna për pozicionin mes orës 4.25 dhe 4.37 minuta të mëngjesit. Burime qeveritare thanë më herët se avioni ishte goditur nga një raketë e lëshuar nga një sistem i mbrojtjes ajrore Pantsir-S nga distrikti Naursky i Çeçenisë. Tridhjetë e tetë pasagjerë humbën jetën në aksident. Rusia është përpjekur të ndalë spekulimet se avioni ishte rrëzuar nga një raketë ruse, duke kërkuar durim derisa të përfundojnë hetimet. Kazakistani ka thënë se do të kryejë një hetim për aksidentin, duke sugjeruar se do të bashkëpunojë me Azerbajxhanin, por jo me Rusinë. Azerbajxhani mendohet se po kryen hetimet e veta.