Inteligjenca evropiane sugjeron se Rusia mund të ndërmarrë një sulm mbi evropë gjatë dimrit të vitit 2024-2025 nëse SHBA e gjen veten pa një lider, pas zgjedhjeve presidenciale amerikane 2024, raporton tabloidi gjerman Bild duke cituar një burim anonim nga inteligjenca evriopiane. Shërbimet e inteligjencës pretendojnë se një sulm i mundshëm rus në evropë mund të ndodhë brenda periudhës së tranzicionit presidencial, në rast se presidenti Joe Biden nuk siguron rizgjedhjen në 2024-ën. Kjo periudhë tranzicioni shtrihet në tre muaj, nga nëntori 2024 deri në inaugurimin, në janar 2025. Sipas burimit të inteligjencës, rusia mund të tentojë të sulmojë evropën gjatë këtij tranzicioni, vecanërisht nëse kandidati republikan që udhëheq garën momentalisht, ish presidenti Donald Trump, do të rizgjidhet. Ndihma për vendet evropiane pritet të pasojë, edhe pse me ndonjë vonesë. Gjatë fushatës së tij për presidencën ish presidenti Donald Trump ka kritikuar në mënyrë të vazhduar nivelin e ndihmave të administratës së presidentit Joe Biden, i jep Kievit. Presidenti volodimir Zelenski po ashtu ka paralajmëruar se rezultati i zgjedhjeve të ardhshme presidenciale në SHBA, mund të ndikojë shumë në kursin e luftës së rusisë në Ukrainë. Një institut gjerman studimi DGAP ka lëshuar paralajmërime për vendet perëndimore duke sugjeruar se rusia mund të ndërmarrë një sulm direkt kundër NATO-s në gjashtë deri në 10 vjet. Ndërsa agjencia polake e sigurisë kombëtare ka shprehur një shqetësim më urgjent, duke vlerësuar se rusia mund të sulmojë naton në më pak se 36 muaj. Zyrtarët polakë më herët kanë sugjeruar se rusia mund të shënjestrojë një vend anëtar të NATO-s në evropën lindore, përfshirë vende si polonia, estonia, rumania dhe lituania.