Rusia do të fillojë të testojë kostume robotike beteje në stil Iron Man-i në Ukrainë, në një përpjekje për të ndryshuar rrjedhën e luftës atje. Njoftimi vjen në një kohë kur trupat e Vladimir Putinit vazhdojnë të shfaqin moral të ulët si rezultat i mungesës së pajisjeve. Putin ka thirrur 300 mijë rezervistë nën armë për ti dhënë hov pushtimit të tij të dështuar deri më tani të Ukrainës, por rezervistët thuhet se po shkojnë në betejë pa trajnimin e duhur dhe pa pajisje. Ajo që ka alarmuar presidentin është edhe fakti se edhe ushtarët profesionistë kanë nisur të shfaqin zemërimin e tyre për luftën gjithnjë e më pak të mbështetur dhe koston e lartë të saj.