Ministria e Jashtme ruse tha të dielën se presidenti sirian Bashar al-Assad kishte lënë detyrën dhe ishte larguar nga vendi pasi kishte dhënë urdhër që pushteti të dorëzohej në mënyrë paqësore. Në një deklaratë, ministria nuk tha se ku ishte tani bashar al Assad dhe tha se Rusia nuk ka marrë pjesë në bisedimet rreth largimit të tij. “Si rezultat i negociatave mes Bashar al Asadit dhe një numri pjesëmarrësish në konfliktin e armatosur në territorin e Republikës Arabe Siriane, ai vendosi të jepte dorëheqjen nga presidenca dhe u largua nga vendi, duke dhënë udhëzime për një transferim paqësor të pushtetit. "Rusia nuk mori pjesë në këto negociata," tha ministria. Moska është jashtëzakonisht e shqetësuar nga ngjarjet në Siri dhe u bën thirrje të gjitha palëve që të përmbahen nga dhuna, tha ajo. “Ne u bëjmë thirrje të gjitha palëve të përfshira që të përmbahen nga përdorimi i dhunës dhe të zgjidhin të gjitha çështjet e qeverisjes me mjete politike”, thuhet në deklaratë. Në këtë drejtim, Federata Ruse është në kontakt me të gjitha grupet e opozitës siriane ndërsa bazat ushtarake të Rusisë në Siri janë vënë në gjendje gatishmërie të lartë, por nuk ka asnjë kërcënim serioz për to për momentin – thekson deklarata.