Prej jasvësh Shtetet e Bashkuara të Amerikës, Rusia dhe Ukraina, ndodhen në diskutime për mundësinë e arritjes së një amrëpushimi, mes Kievit dhe Moskës. Sipas REL, njëri nga opsionet synon mbrojtjen e infrastrukturës energjetike, si termocentralet dhe linjat e transmisionit, dhe një tjetër përqendrohet në uljen e aktivitetit ushtarak në Detin e Zi. Moska ka kërkuar lehtësimin e sanksioneve. Në një deklaratë të Kremlinit të lëshuar pas marrëveshjes për armëpushim në Detin e Zi më 25 mars, Moska deklaroi se do ta respektojë marrëveshjen vetëm nëse Perëndimi heq pjesërisht sanksionet e vendosura pas pushtimit në shkallë të gjerë të Ukrainës më shumë se tre vjet më parë. Kjo kërkesë përfshin heqjen e kufizimeve për eksportet e plehrave dhe kompanitë e sigurimeve që i mbulojnë ato, si dhe qasjen e disa bankave ruse në sistemin global të pagesave SËIFT. Disa prej liderëve të Bashkimit Europian, e kanë refuzuar kërkesën e Rusisë. Sipas studiuesve, masat kufizuese i kanë privuar Rusisë më shumë se 450 miliardë euro të ardhura që nga fillimi i vitit 2022. Sipas zyrtarëve europianë, pas sulmeve të vazhdueshme me dronë dhe me raketa nga Rusia në Ukrainë, kanë sinjalizuar mundësi për rritjen e sanksioneve, jo lehtësimin e tyre