Rusia mund të vendosë armë bërthamore në hapësirë, gjë që do të përbënte një rrezik të konsiderueshëm të sigurisë në tokë, tha Sekretari i Përgjithshëm i NATO-s, Mark Rutte. Shefi i aleancës i tha gazetës gjermane Ëelt am Sonntag se Rusia mund të vendosë armët në hapësirë, gjë që do ta lejonte atë të shkatërronte qindra satelitë në një goditje të vetme. Traktati i Hapësirës së Jashtme i vitit 1967, i iniciuar nga SHBA dhe Bashkimi Sovjetik, ndalon përdorimin e hapësirës së jashtme për vendosjen e armëve të shkatërrimit në masë. Megjithatë, duke pasur parasysh rritjen e retorikës bërthamore që vjen nga Moska që nga fillimi i pushtimit të plotë të Ukrainës nga presidenti rus Vladimir Putin në shkurt 2022, shoqëruar me lëshimin e satelitëve rusë dhe kinezë, shqetësimet e NATO-s për sfidat e sigurisë në hapësirë po rriten.