Sundimtari autoritar i Bjellorusisë, Alyaksandr Lukashenko, pohoi të martën se vendi i tij është armatosur me raketa me koka bërthamore ruse. Ai tha se po ashtu në 30 vende të ndryshme janë duke u zhvilluar diskutime se ku mund të vendosen sistemet raketore Oreshnik, të cilat u përdorën për herë të të parë nga Rusia pak kohë më parë në Ukrainë, si kundërpërgjigje ndaj vendimit të perëndimit për të lejuar Kievin që të përdorete kundër Moskës raketat me rreze të gjatë veprimi. Gjatë javës që lamë pas, presidenti i Rusisë, Vladimir Putin, njoftoi se sistemet raketore Oreshnik do të vendosen në Bjellorusi gjatë vitit 2025. “Shumë njerëz kanë thënë ‘kjo është shaka, askush nuk ka vendosur asgjë’. Por, ne e bëmë. Kur thonë se është shaka, nënkupton se atyre u ka ikur kjo. Ata madje as nuk e kanë vërejtur se si i sollëm ne ato këtu”, tha Lukashenko për kokat bërthamore taktike të Rusisë të dërguara në Bjellorusi, sipas agjencisë shtetërore të lajmeve, BeITA.