Ministria e Jashtme ruse ka akuzuae vendet perëndimore si bashkëpunëtore në atë që ajo e quajti “sulm terrorist” ukrainas në urën e Krimesë. Pa dhënë asnjë provë, Rusia akuzoi Ukrainën për “pjesëmarrje të drejtpërdrejtë të agjencive të inteligjencës amerikane, britanike dhe të politikanëve”. Rusia tha se çifti që u vra në këtë urë ishte nisur për pushime, ndërsa aty u plagos edhe vajza e tyre 14-vjeçare. BBC-ja shtoi se familja po udhëtonte nga rajoni i Belgorodit, afër kufirit të Rusisë me Ukrainën. Guvernatori i këtij rajoni, Vyacheslav Gladkov, tha se vajza e tyre pësoi lëndime në kokë dhe gjoks, por ishte e vetëdijshme dhe gjendja e saj është jashtë rrezikut për jetë. Mediat perëndimore, raportojnë se ura e Krimesë u sulmua nga trupat e Ukrainës nëpërmjet dronëve nënujorë. Sipas Reuters, në këtë sulm u përfshi marina e Ukrainës, ndërsa njoftimi zyrtar rus tha se “sulmi u krye nga regjimi terrorist ukrainas”, duke e quajtur sulmin mbi urë “krim të ri kundër objektit civil”.