Një gjeneral i lartë amerikan, Mark Milley, thotë se lufta mbi ukrainasit ka sjellë vuajtje të jashtëzakonshme dhe shumë viktima, nga të dyja palët. Sipas tij rreth 100.000 ushtarë rusë dhe rreth 100.000 ukrainas ishin vrarë ose plagosur në luftë, shifra më e lartë e përmendur deri më tani nga një zyrtar perëndimor. Milley, duke folur në një event në Nju Jork, tha gjithashtu se rreth 40.000 civilë janë vrarë në konflikt.Si Kievi, ashtu edhe Moska, e ruajnë me kujdes numrin e viktimave. Në përditësimin e fundit në shtator, Rusia tha se 5.937 ushtarë ishin vrarë që nga fillimi i konfliktit më 24 shkurt. "Ka pasur jashtëzakonisht shumë vuajtje, vuajtje njerëzore", tha Milley, duke shtuar se konflikti krijoi midis 15 dhe 30 milionë refugjatë. Kombet e Bashkuara kanë dokumentuar 7.8 milionë refugjatë nga Ukraina në të gjithë Evropën, përfshirë Rusinë. Megjithatë, shifra nuk përfshin ata që janë detyruar të zhvendosen përbrenda Ukrainës.