Propaganda në Rusi ka qenë gjithnjë një armë e fortë. në stacionin e metrosë Kievskij, në moskë, shihen ngado murale që tregojnë se si iu bashkuan ukrainasit Bashkimit Sovjetik. Por sot në fakt, Moska dhe Kievi janë më larg se kurrë. Kohët e fundit, shërbimet perëndimore të inteligjencës paralajmëruan se Rusia ka vendosur rreth 70.000 trupa pranë kufirit të saj me Ukrainën dhe se presidenti rus Vladimir Putin mund të planifikojë një pushtim në fillim të vitit të ardhshëm. Për shumicën e banorëve të kryeqytetit rus, tensionet në rritje në kufi duken shumë të largëta. "Ne rusët nuk duam luftë - askush nuk e dëshiron atë. Ukrainasit janë të njëjtët njerëz si ne, një popull sllav - miqtë tanë," thotë një e re për DË, duke shtrënguar shallin mbi kokë kundër të ftohtit. "Por gjithçka vendoset nga politikanët nga lart - pa ne."