Zyrtarisht, filmi Barbie nuk po shfaqet në Rusi. Por cfarë po ndodh jozyrtarisht…? Gazetarja e BBC në Moskë sheh një shtëpi të madhe rozë, në një qendër tregtare atje. Brenda ka mobilje rozë, kokoshka rozë dhe portrete në përmasa reale prej kartoni, të Barbit dhe Kenit. Filmi Barbie, po tërheq turmat edhe në moskë, pavarësisht sanksioneve perëndimore. Pas pushtimit të Ukrainës nga Rusia, një sërë studiosh të Hollivudit ndaluan publikimin e filmave të tyre në Rusi. Por kopjet e paautorizuara po kalojnë dhe po dublohen në rusisht. Kur gazetarja e BBC pyet një vizitor se cfarë filmi do të shohë, ai përmend një titull të panjohur rus, dhe buzëqesh. Për të shmangur problemet e licencimit, disa kinema në Rusi kanë shitur bileta për filma të shkurtër të prodhuar nga Rusia dhe kanë shfaqur filmin artistik Barbie, para tij. Ministria ruse e Kulturës muajin e kaluar doli në përfundimin se filmi Barbie “nuk ishte në përputhje me qëllimet dhe synimet e përcaktuara nga presidenti ynë për ruajtjen dhe forcimin e vlerave tradicionale morale dhe shpirtërore ruse”. Por, shumë rusë nuk e shohin kështu...