Një fshat në Rumani, duket se do të kthehet në bazën ajrore më të madhe të NATO-s në Europë. Baza ajrore Mihai Kogalniceanu (MK) e ka marrë emrin nga fshati aty pranë, i quajtur vetë sipas një politikani liberal të shekullit të 19-të. Kjo bazë si duket do t’ia kalojë edhe bazës ajrore në Gjermani, Ramstein, teksa afërsia me Rusinë, është një nga shqetësimet kryesore të Putin. Presidenti rus Vladimir Putin e justifikoi luftën e tij në Ukrainë me arsyetimin se NATO po cenon krahun evropian të Rusisë. Në përgjigje të pushtimit të tij, NATO dhe perëndimi në tërësi po vijon me shpejtësi rritjen e fuqisë mbrojtëse në shtet më afër Rusisë. Baza në fjalë së shpejti do të ketë një skuadron të F-16-ve rumunë - të blerë së fundmi nga Norvegjia - si dhe dronët MQ-9 Reaper, dhe thuajse një qytet ushtarak përmes të cilit do të operojnë ushtria, forcat ajrore dhe personeli detar i NATO-s nga 32 vende. Mbetet për tu parë nëse do të ketë reagim nga Rusia, e cila po përparon në triadat bërthamore dhe në avancimin e armatimeve.