Drejtori I Përgjithshëm I Policisë së Shtetit, Muhamet Rrumbullaku ka mbledhur në një takim pune strukturat drejtuese në të gjitha qarqet. Në një takim në Drejtorinë e Përgjithshme, Rrumbullaku ka folur me Drejtorët e qarqeve dhe shefat e komisariateve për krimet ekonomike dhe parandalimin e kultivimit të hashashit. Mësohet se Rrumbullaku I ka kërkuar intensifikim të punës në kuadër të luftës ndaj fenomenit të kultivimit të kanabisit, teksa sezoni I kultivimit të bimës së palejuar ka hyrë në një fazë të nxehtë tashmë. Në këtë aspect, ai I ka kërkuar bashkëpunim jo vetëm mes strukturave por edhe me qytetarët, në mënyrë që të denoncojnë rastet e këtij aktiviteti të paligjshëm. Ndërsa I takon krimeve ekonomike, Rrumbullaku ka kërkuar një punë me ritme më të shpejta, teksa tashmë strukturat e krimit ekonomik në të gjithë vendin janë rikthyer në punë, pas pezullimit 1 mujor duke qenë se nuk kishin dhënë rezultatet e pritshme.