Ndërsa vijojnë kontrollet e shtuara në të gjitha akset rrugore gjatë javës që lamë pas janë arrestuar 9 shtetas për drejtim automjeti në gjendje të dehur ose në efektin e lëndëve narkotike dhe shkelje të rregullave të ndryshme të qarkullimit rrugor. Ndërkohë janë vënë mbi 6600 masa administrative. Disa prej të cilave janë për shpejtësi mbi normat e lejuara, për përdorim të celularit gjatë drejtimit të mjetit, për mosdhënie përparësi këmbësorëve në vijat e bardha, për mosvënie të rripit të sigurimit nga drejtuesit e automjeteve; për parakalime të gabuara si dhe për parkime të gabuara. Gjithashtu bëhet me dije se janë bllokuar 6 automjete për detyrime të pashlyera, mungesë dokumentacioni si dhe verifikime nga Seksioni i Trafiqeve të Paligjshme në DVP Tiranë. Këto kotrolle synojnë evidentimin dhe ndëshkimin e shkelësve të rregullave të qarkullimit që janë rrezik potencial për përfshirje në ngjarje rrugore, dhe për rritjen e parametrave të sigurisë rrugore në Tiranë.