Shiu i rrëmbyeshëm ka shkaktuar përmbytje të frikshme duke lënë shtëpi dhe biznese nën ujë dhe duke tërhequr makinat nëpër rrugët e kthyera në lumenj të tërbuar. Përmbytje të mëdha u regjistruan pranë bregdetit të Turqisë në Detin e Zi, gjatë natës, duke lënë të paktën 12 persona të plagosur. Shoferët mbetën të bllokuar mbi makinat e tyre në provincën Samsun ndërsa prisnin të shpëtoheshin. Një burrë u pa duke u mbajtur fort në pjesën e përparme të makinës ndërsa uji rreth tij ishte i rrëmbyeshëm. Videot ishin filmuar nga ballkonet e shtëpive dhe tregonin ujin e përzierë me baltë që rridhte nëpër rrugë duke marrë me vete gjithcka që i dilte para. Përmbytjet kanë ndërprerë rrugët kryesore në rajon duke lënë disa zona të izoluara. Autoritetet thanë se uji i përmbytjeve arriti deri në 90 cm thellësi dhe shtresat e baltës ishin pothuajse 32 cm të trasha. Përmbytjet kanë lënë shumë shtëpi pa energji elektrike.