Për të disatën javë radhasi, Kreu i Partisë Demokraike do të mbajë fjalim në Foltoren para godinës së Kryeministrisë. Policia e Shtetit ka publikuar planin e masave në lidhje me garantimin e rendit dhe mbarëvajtjes së foltores së PD, e cila do të mbahet si çdo të hënë nga ora 18:00 deri në 20:00. Nga ora 15:00 deri në përfundim të tubimit, do të ketë bllokim të qarkullimit të automjeteve në Bulevardin “Dëshmorët e Kombit”, nga kryqëzimi pranë Ministrisë së Brendshme deri te Sheshi “Nënë Tereza”, si edhe në rrugët “Ukraina e Lirë”, “Papa Gjon Pali II” dhe “Ismail Qemali”. Policia njofton se në varësi të dinamikës së tubimit, mund të vendosen kufizime të përkohshme të qarkullimit edhe në akse të tjera rrugore. Për të lehtësuar lëvizjen e qytetarëve, është parashikuar devijimi I trafikut në rrugë alternative.