Forcat Mbrojtëse të Izraelit kanë përfunduar ndërtimin e një rruge të re e cila kalon mes përmes Gazës, nga lindja në perëndim, sipas imazheve satelitore të verifikuara nga BBC. Ushtria izraelite i tha BBC-së se ajo po përpiqej të fitonte një "avantazh operacional" dhe të lehtësonin lëvizjen e trupave dhe pajisjeve.Por disa ekspertë kanë frikë se rruga do të përdoret si një barrierë që do të pengojë palestinezët të kthehen në shtëpitë e tyre në veri.Të tjerë thonë se duket se rruga është pjesë e një plani izraelit për të qëndruar në Gaza edhe përtej përfundimit të luftës.Në shkurt, kryeministri Benjamin Netanyahu shpalosi një vizion të pasluftës në të cilin Izraeli do të kontrollonte sigurinë në Gaza për një kohë të pacaktuar.Udhëheqësit ndërkombëtarë e kanë paralajmëruar më herët Izraelin kundër zhvendosjes së përhershme të palestinezëve ose zvogëlimit të përmasave të Gazës.Edhe pse ekziston një rrjet rrugësh që lidhin lindjen dhe perëndimin, rruga e re e ushtrisë izraelite është e vetmja që kalon pa ndërprerje përgjatë gjithë Gazës.