Grupet mafioze shqiptare të cilët kalojnë ilegalisht emigrantë përmes kamionëve po kthehen në një problem serioz për Mbretërinë e Bashkuar. ‘The Mirror’ raporton se grupet shqiptare po i reklamojnë në rrjetet sociale kontrabandimet e emigrantëve drejt Britanisë së Madhe. Në artikullin e saj, ajo shkruan se “mafiozët shqiptarë po përdorin rrjetin social TikTok” për të komunikuar me emigrantë, të cilëve u garantojnë rrugë kalimi me kamionë drejt Anglisë, duke u marrë më shumë se 20 mijë paund për familje. Në një postim në Tik Tok shkruhet “Udhëtimi i fundit për këtë vit për të takuar Mbretëreshën në Angli. Udhëtim i sigurtë brenda kamionit. 100% i sigurt. Për më shumë shkruani në DM”. Ndërsa dikush tjetër shkruan: “Një tjetër udhëtim në Angli me kamion. 24 mijë Stërlina. Udhëtim i sigurtë për në Angli përpara Krishtlindjes. Na kontaktoni shpejt”.