Dhjetëra goditje rrufesh janë regjistruar në Parkun Kombëtar të Shebenikut, në Malësinë e Sopotit, Polisit, Xhyrës, Dardhës dhe Spatharit, duke krijuar momente paniku dhe frike për banorët që ndodheshin në kullota dhe zona të hapura. Pasojat e stuhisë kanë qenë më të rënda në fshatin Spathar, në vendin e njohur si “Arrës” , ku një tufë dhish është goditur nga rrufeja.Si rrjedhojë, 14 prej bagëtive kaën ngordhur, ndërsa bariu që ishte pranë tyre fatmirësisht ka shpëtuar dhe ndodhet jashtë rrezikut për jetën. Ndërkohë, gjatë kësaj të mërkure u kryen dhe procedurat për groposjen e menjëhershme të tufës së bagëtive të ndodhura, me qëllim shmangien e infeksioneve te mundshme per shkak edhe te temperaturave te larta.