Top News- Rrjet shpërndarje droge nëpër shkolla/Policia arreston 20 persona, kapet kokainë e hashash

Dy grupe shpërndarësish droge janë goditur nga Policia e Tiranës, duke ccuar në pranga 20 persona, ndërsa 4 të tjerë u shpallën në kërkim. Referuar hetimeve, dy grupet në fjalë përdornin mesazhe të koduara dhe kryesisht qarkullonin me automjete të transportit publik për të shmangur kontrollet e befasishme të Policisë. Gjatë operacionit u sekuestruan në cilësinë e provës materiale 2 kilogramë e 120 gramë kokainë, 300 doza kanabis, 130 doza heroinë, shuma parash rreth 5 miljonë lekë të vjetra, 1700 euro, 11 automjete dhe 29 aparate celulare. Në një konferencë për shtyp, Drejtori I Policisë së Tiranës, Tonin Vocaj u shpreh se grupet e shpërndarësve vepronin kryesisht në Tiranë dhe Kamëz, në afërsi të shkollave, lokaleve të natës apo ambienteve të tjera që frekuesntohen nga të rinjtë.