Çdo vend anëtar i NATO-s duhet të ndajë 2 % të prodhimit të brendshëm bruto për mbrojtjen. Por më shumë gjysma e tyre nuk e kanë bërë këtë deri më tani. Por, sipas të dhënave, paratë po rrjedhin tani lumë dhe 18 nga 31 vende të NATO-s do të arrijnë kuotën e caktuar këtë vit, sipas Sekretarit të Përgjithshëm të NATO-s Jens Stoltenberg. Gjermania është një prej tyre dhe për herë të parë pas një kohe të gjatë do të arrijë këtë objektiv. Gjermania e arrin këtë objektiv në 2024-n për herë të parë pas një kohe të gjatë. Autoritetet kanë njoftuar se buxheti i planifikuar i Gjermanisë do të përmbushë objektivin prej dy për qind për herë të parë që nga fillimi i viteve 1990. Një zëdhënës i Ministrisë së Mbrojtjes në Berlin e konfirmoi këtë pa dhënë ndonjë shifër konkrete. Për buxhetin e mbrojtjes 2024, janë parashikuar 19.8 miliardë euro nga fondet speciale, për Bundesëehrin janë parashikuar rreth 52 miliardë euro, ndërsa për Ministrinë e Mbrojtjes edhe 14 miliardë euro të tjera. Shpenzimet e partnerëve evropianë do të arrijnë në një total prej 380 miliardë dollarësh, tha Stoltenberg, përpara takimit të ministrave të Mbrojtjes të NATO-s në Bruksel, të enjten. Sipas vendimit të NATO-s, çdo shtet anëtar duhet të investojë dy për qind të prodhimit të brendshëm për mbrojtjen. Në këtë kontekst, deklaratat e bëra në fundjavë nga kandidati republikan për president të SHBA-së, Donald Trump, kanë shkaktuar shumë polemika. Trump tha se nuk do të mbronte shtetet e NATO-s të sulmuara nga Rusia që nuk i përmbushin detyrimet e tyre për shpenzimet ushtarake. Në këtë mënyrë ai vuri në dyshim detyrimin e aleancës për t'i ofruar ndihmë secilit vend anëtar të rrezikuar. Kjo deklaratë ka shkaktuar kritika të ashpra, veçanërisht në Evropë.