Ndërsa samiti i NATO-s në uashington ka filluar, aleanca lëvizi të martën drejt një nxitjeje të madhe të prodhimit të armëve pasi nënshkroi një kontratë me vlerë 700 milionë dollarë që u mundëson vendeve anëtare të prodhojnë më shumë raketa anti-ajrore Stinger. FIM-92 Stinger është një sistem i lëvizshëm raketash tokë-ajër nga Raytheon që mund të përdoret nga trupat tokësore ose të montohet në automjete për të siguruar mbrojtje me rreze të shkurtër kundër kërcënimeve ajrore. Sistemi, i prodhuar për herë të parë në 1978 dhe i përmirësuar shumë herë, ndihmon trupat - pa mbështetje të menjëhershme ajrore - të shënjestrojnë një avion armik. Stinger ishte ndër armët e para amerikane të dorëzuara në Ukrainë pas pushtimit rus në 2022. Sekretari i Përgjithshëm i NATO-s, Jens Stoltenberg njoftoi për kontratën në një event që kishte pikërisht në fokus parandalimin e sulmeve të ardhshme përmes rritjes së aftësisë së prodhimit të armëve për anëtarët e aleancës. "Nuk ka asnjë mënyrë për të siguruar mbrojtje të fortë pa një industri të fortë të mbrojtjes," tha Stoltenberg. Kontrata vjen në mesin e luftës në Ukrainë dhe tensioneve të shtuara mes NATO-s dhe Kremlinit, cka ka bërë që liderët e aleancës të paralajmërojnë gjithnjë e më zëshëm për mundësinë e një konflikti të drejtpërdrejtë me Moskën.