Prokurori i Përgjithshëm, Olsian Çela ka raportuar për veprimtarinë e institucionit qw drejton mbi gjendjen e kriminalitetit, për vitin 2024 në mbledhjen e përbashkët të Komisionit për Nismat Qytetare, Bashkëpunimin dhe Mbikëqyrjen Institucionale dhe atij të Çështjeve Ligjore dhe Administratës Publike. Prokurori Çela raportoi se përgjatë vitit 2024, kanë trajtuar në total mbi 61 mijë materiale për ndjekje penale, një rritje prej më shumë se 10% në krahasim me vitin 2023. ‘Koeficienti i kriminalitetit për procedimet penale të regjistruara, për 100,000 banorë në vitin 2024 është 1037, ndërsa në vitin 2023 koeficienti i kriminalitetit ka qenë 872. Në vitin 2024, përqindjen më të ulët të kriminalitetit për 100.000 banorë e ka qarku Berat, ndërsa përqindjen më të lartë e ka qarku Sarandë.’