Rritja e pagave në administratë filloi nga kryeministria dhe pritet të shtrihet edhe në dikasterët e tjerë shtetërorë. Në një takim me punonjësit e kryeministrisë, Rama u shpreh se plani i rritjes së pagave në administratë do të ndahet në dy faza, një që miratohet tani dhe një rritje e dytë që parashikohet në buxhetin e vitit të ardhshëm. “Mundësia për ta bërë të mundur është krijuar vetëm tani. E dini mirë se sa shumë vështirësi na është dashur të kapërcejmë dhe për t’ju thënë që është koha të bëjmë rritje rrogash shumë domethënëse. Rritja e pagave do bëhet me 2 hapa në harkun e 1 viti. Një rritje tani dhe një rritje në buxhetin e vitit të ardhshëm”