Kryetari i PDK, Memli Krasniqi, ka paralajmëruar gjatë një deklarate për meidat në Kosovë, se nëse opozita arrin të formojë shumicën parlamentare do të shkarkojë Bordin e ZRRE-së, i cili javën e kaluar mori vendimin për shtrenjtimin e energjisë elektrike mbi 16 për qind. Më tej, Krasniqi ka shtuar, se anëtarët e këtij bordi do të ndiqen edhe penalisht. Sipas tij, bordi i ZRRE ka shkelur kompetencat dhe besimin e dhënë nga Kuvendi i Kosovës. Kryetari I PDK, ka akuzuar se bordi po u shërben mafies energjitike dhe oligarkëve të kryeministrit Kurti, dhe se ata ndihen të mbrojtur nga qeveria. Krasniqi u shpreh se se ky është shtrenjtimi i tretë i energjisë elektrike gjatë qeverisjes së Kurtit.