Autoriteti i Konkurrencës së Kosovës, ka intensifikuar kontrollet për monitorimin e tregut, pas shqetësimeve të ngritura nga qytetarët, për rritje të çmimeve. Sipas institucionit, po merren në analizë mbi produkte bazë për të analizuar arsyet e ngritjeve të çmimeve në tregun e Kosovës. ‘Ka filluar monitorimi i tregut të bukës, dhe Autoriteti është në proces të mbledhjes së informatave për të vlerësuar nëse rritjet e fundit të çmimeve në këtë sektor janë të arsyetuara apo në kundërshtim me ligjin për konkurrencën”, thuhet në njoftimom e institucionit. Autoriteti i Konkurrencës nuk ka mandat për të përcaktuar ose ulur çmimet, por ndërhyn kur çmimet përcaktohen në mënyrë artificiale nga ndërmarrjet. Sipas autoiritetit sektori i gastronomisë, në mikqyrje të veçantë është rritja e çmimit të kafesë, e cila është në vëzhgim. Autoriteti i Konkurrencës ka paralajmëruar, se pas përfundimit të fazës së analizës dhe grumbullimit të informatave, nëse identifikohen shkelje të Ligjit për Mbrojtjen e Konkurrencës, do të ndërmerren veprimet e nevojshme ligjore.