Bordi I Transparencës vendosi çmimet e reja të karburanteve, ku nafta ka pësuar një tjetër shtrenjtim. Sipas vendimit të bordit çmimi I shitjes me pakicë I naftës do të jetë jo më shumë se 224 lekë për litër ndërsa ai me shumicë 212 lekë. Kjo në zbatim të aktit normativ të miratuar këtë të premte nga ana e qeverisë për të ulur me 20% çmimin e akcizës. Ndërkohë Benzina nuk do të shitet më shumë se 181 lekë për litër me pakicë ndërsa çmimi I tregtimit me shumicë do të jetë 169 lekë. Çmimet e caktuara nga Bordi do të hynë në fuqi nga ora 20.00 e kësaj të premteje dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.