17 raste të reja fruthi janë konfirmuar nga 16 prilli deri më 20 maj 2026 në Kosovë, duke ngritur alamin tek institucionet e Shëndetësisë. Sipas Institutit Kombëtar të Shëndetësisë Publike, numri më i madh i rasteve është regjistruar në Ferizaj me gjashtë raste, pasuar nga Prishtina me katër raste dhe Kaçanik me tre raste, ndërsa 4 raste janë konfirmuar në qytete të tjera. Institutit Kombëtar të Shëndetësisë Publike sqaron se të gjithë rastet e konfirmuara kanë qenë tek persona të pavaksinuar me vaksinën MMR kundër fruthit dhe se të gjithë pacientët kanë pasur nevojë për trajtim spitalor. Ky fakt dëshmon, sipas IKShP, se fruthi mund të shkojë deri në komplikacione shëndetësore serioze. Instituti ka bërë thirrje për kontroll të kartelave të vaksinimit të fëmijëve dhe të sigurojnë vaksinimin në qendrat e mjekësisë familjare në komunat përkatëse. Instituti thekson se çdo vonesë në vaksinim rrit rrezikun për përhapje të mëtejshme të sëmundjes dhe komplikime serioze, veçanërisht tek fëmijët dhe personat me imunitet të dobët. Autoritetet shëndetësore rekomandojnë shmangien e kontakteve me persona që shfaqin simptoma të dyshimta si temperaturë e lartë, skuqje në lëkurë, kollë dhe rrufë, ndërsa personat me simptoma duhet të paraqiten menjëherë në institucionet shëndetësore.