Gjykata e Lartë rrëzoi rekursin e Ilir Beqajt për masën e sigurisë “arrest në burg” në kuadër të hetimeve për dosjen SASPAC. Në të njëjtën çështje, gjykata nuk pranoi as rekursin e paraqitur nga të akuzuarit e tjerë për këtë dosje Alfred Nikolla, Bjona Ziaj, Bledar Leka, Elton Marini, Ermal Kurtulaj dhe Gazmend Haxhia. Për dosjen SASPAC, në qelinë e paraburgimit ndodhet Ilir Beqaj, Kurtualj dhe Nikolla ndërsa të tjerët kanë masa me të buta sigurie. Beqaj u arrestua në 4 korrik të vitit 2024 me urdhër të SPAK. Ai dyshohet për korrupsion dhe fshehje pasurie, pasi gjatë kohës që ka drejtuar agjencinë e menaxhimit të fondeve të Bashkimit Europian ka kanalizuar paratë përmes bashkëpunëtorëve të tij, Alfred Nikolla dhe Ermal Kurtulaj në drejtim të bizneseve të veta. Ndërkohë, Ilir Beqaj është i pandehur në SPAK edhe në dosjen e sterilizimit. Për këtë çështje, gjykata ka caktuar ndaj ish ministrit të Shëndetësisë masën e sigurisë detyrim paraqitje.