Ligjvënësit francezë votuan për rrëzimin e Qeverisë së kryeministrit, Michel Barnier, vetëm tre muaj pasi ai mori pushtetin. Mocioni I mosbësimit u mbështet nga ekstremi i djathtë dhe 331 deputetë në Parlamentin prej 577 vendesh. Qeveria e kryeministrit Michel Barnier, bëhet kështu e para që shkarkohet përmes mosbesimit në 60 vitet e fundit. Ndërkohë në Francë është thelluar akoma më shumë kriza politike, pasi presidenti Emanuele Macron duhet të zgjedh pasardhësin e Branierit që u zgjodh në krye të qeverisë pas zgjedhjeve të parakohshme parlamentare që u mbajtën gjatë verës, ku asnjë parti nuk fitoi shumicën absolute. Çka favorizoi ekstremin e djathtë që të kishte rol vendimtar në mbijetesën e Qeverisë. Asambleja Kombëtare debatoi për mocionin e ngritur nga e majta, që kishte mosmarrëveshje me Qeverinë sa i përket buxhetit për vitin e ardhshëm. Kreu I parlamentit kërkoi nga Barnier që të japë dorëheqjen dhe ta dorëzojë tek presidenti Macron, I cili u kthye në Paris disa orë para se të votohej mocioni, pasi përmbylli vizitën treditore në Arabinë Saudite. Një ditë më herët ai akuzoi ekstremin e djathtë të Marine Le Pen për “cinizëm” për shkak të mbështetjes së ofruar për mocionin e mosbesimit. Sipas ligjeve, Macron nuk mund të shpallë zgjedhje të reja brenda një viti, pasi votimet u mbajtën në verë, duke bërë që presidentit francez t’i zvogëlohen opsionet për tejkalimin e krizës politike.