Me shumicë votash, komisioni i ligjeve rrëzoi nismën e deputetes Ina Zhupa për ndryshime në ligjin për trashëgiminë kulturore dhe muzetë. Duke marrë për referencë Butrintin, Zhupa shpjegoi se duhet të ndërmerren hapa ligjorë që shteti të mos vendoset në pozita minoritare ndaj fondacioneve kur bëhet fjalë për mbrojtjen e pasurive kombëtare. Zhupa: “Ajo që unë kërkoj të bëjmë, është që me vullnetin e të gjithë deputetëve, ne të arrijmë që të mos kundërshtojmë ekzistencën e fondacioneve, sepse këtë e lejon Konventa e Parisit, por të kundërshtojmë ato fondacione të tipit të Butrintit, ku shteti është në pozita minoritare dhe nuk ka asnjë mundësi të ndërhyjë në vendimmarrje” Kryetarja e komisionit të ligjeve, Klotilda Bushka u shpreh se ligji aktual ndjek standardet e UNESCO-s, ndaj çmon se nisma e deputetes Zhupa nuk qëndron.