Gjykata Kushtetuese vendosi me shumice votash te rrezoje kerkesen per pezullimin e ligjit per tatimin e profesionisteve te lire pasi nuk evidentohen efekte te pariparueshme. Seanca tjeter per konkluzionet perfundimtare eshte ne 25.06.2024 ora 10:00 Gjykata Kushtetuese mori në shqyrtim katër paditë kundër ligjit të tatimit për profesionistët e lirë. Përfaqësuesit ligjorë të grupit parlamentar të Partisë Demokratike, Institutit të Kontabilistëve të Miratuar, Institutit të Ekspertëve Kontabël të Miratuar dhe Dhomës së Avokatisë së Shqipërisë, parashtruan argumentet mbi të cilat kërkojnë pezullimin e këtij ligji. Avokati i kontabilistëve, Aigest Milo argumentoi se jo më larg se 2 vjet më parë në ligjin “Për procedurat tatimore”, është vendosur një nen specifik që i jep organeve tatimore, të gjitha mjetet e nevojshme për të luftuar abuzimin e mundshëm prandaj nuk ka nevojë të kolektivizohet një zgjidhje për të gjithë profesionistët e ndershëm.