Një aeroplan i vogël që transportonte lojtarë të pickleball-it u rrëzua midis pemëve në Texas Hill Country, duke vrarë të pesë personat që ndodheshin në bord, thanë autoritetet të premten. Aksidenti ndodhi rreth orës 23:00 të enjten në Ëimberley, një qytet rreth 64 kilometra në jugperëndim të Austin, tha Departamenti i Sigurisë Publike i Teksasit. “Piloti dhe katër pasagjerët në bord u shpallën të vdekur në vendngjarje”, u tha gazetarëve rreshteri Billy Ray. Emrat e viktimave nuk u bënë të ditur menjëherë nga autoritetet, megjithëse Klubi i Pickleball-it Amarillo tha se ata po fluturonin për në një turne. Aeroplani, një Cessna 421C, u ngrit nga Amarillo dhe po shkonte drejt Aeroportit Kombëtar të Neë Braunfels, sipas historikut të fluturimit. Fotot ajrore të postuara në internet nga Austin American-Statesman treguan avionin e shkatërruar në një zonë të pyllëzuar.