Një mjet lundrues ‘jet ski’ ka rrezikuar jetën e pushuesve në bregdetin e Karaburunit, pasi ka shkelur perimetrin e sigurisë. Sikurse duket në video, mjeti ludrues qëndron shumë pranë pushtuesve në det. Pas raportimeve dhe videos së dërguar nga qytetarët në Policinë e Shtetit, policia kufitare ka ndaluar mjetin lundrues, ndërsa po afrohej pranë molit të peshkimit në territorin e SPK Triport. Mjeti lundrues Jet Ski u bllokua në pikën e bllokimit të mjeteve lundruese, ndërsa drejtuesi i mjetit, u ndëshkua me masë administrative në vlerën 500.000 lekë të rinj. “Policia e Shtetit apelon për të gjithë drejtuesit e mjeteve lundruese që të respektojnë perimetrin e sigurisë dhe të zbatojnë rregullat e lundrimit, me qëllim garantimin e sigurisë së pushuesve përgjatë vijës bregdetare”-thuhet në reagimin e policisë.