Presidenti amerikan Joe Biden ka konfirmuar të premten do të ketë një “diskutim të gjatë” me presidentin rus Vladimir Putin për krizën mes Rusisë dhe Ukrainës. Ai ka paralajmëruar se nuk do të pranojë “vijat e kuqe” të Moskës. Një video-konferencë mes dy liderëve pritet të zhvillohet brenda ditëve.“Ne kemi ditur për veprimet e Rusisë për një kohë të gjatë dhe pres që do të kemi një diskutim të gjatë me Putinin”, u tha Biden gazetarëve ndërsa u nis për në Camp David gjatë fundjavës. “Unë nuk i pranoj vijat e kuqe të askujt”, tha ai duke iu referuar kërkesave të Rusisë. Më shumë se 94,000 trupa ruse janë mbledhur pranë kufirit ukrainas, sipas autoriteteve ukrainase, duke cituar raportet e inteligjencës se Moska mund të planifikojë një sulm ushtarak në shkallë të gjerë në fund të janarit. Moska, nga ana tjetër, akuzon Ukrainën dhe Shtetet e Bashkuara për sjellje destabilizuese dhe thotë se Kievi mund të përgatitet të nisë ofensivën e vet në Ukrainën lindore, të cilën autoritetet ukrainase e mohojnë.