Shtetet e Bashkuara të Amerikës kanë paralajmëruar anijet me flamur të SHBA për një rritje të ndjeshme ët rrezikut në Mesdheun Lindor, veçanërisht për anijet tregtare, teksa gjithçka është lidhur me situatën e krijuar në rajon për shkak të luftës Izrael-Hamas. Në një shënim këshillues, Administrata Detare e Departamentit të Transportit këshilloi anijet “të tregojnë kujdes; të kryejë një vlerësim të rrezikut; rishikim të masave të sigurisë; rishikim të paralajmërimeve aktuale të Qendrës së Transportit të NATO-s dhe transmetimit bregdetar; dhe të përfshijnë masat e duhura mbrojtëse në planet e tyre të sigurisë së anijeve.” Apeli vijon më tej, duke udhëzuar anijet që operojnë në Mesdheun Lindor, që në rast të shenjave të rrezikut, të njoftojnë menjëherë Qendrën e Transportit të NATO-s dhe autoritetet amerikane. Pozicionimi I SHBA-ve krah Izraelit në konfliktin e tij me Hamasin, ka bërë që në Lindjen e Mesme të rritet ndjeshëm urrejtja ndaj amerikanëve, në dritën e luftës që po zhvillohet në Rripin e Gazës.