Gjykata e Lezhës ka lënë në burg pa afat Mateos Brozi dhe Ergys Tusha, të cilët u arrestuan pak ditë më parë në Rrëshen. Dy të rinjtë të moshave 19 dhe 20 vjec, banues në Durrës morën peng dhe mbajtën në garazhin e një pallati një 19 vjecar nga Rrësheni, me qëllimin për të grabitur atë. Në seancën me dyer të mbyllura, gjyqtari i cështjes Renis Sheshi pranoi kërkesën e organit të akuzës duke e cilësuar të ligjshëm arrestimin e dy të rinjëve dhe vendosi ndaj tyre masën e sigurisë arrest në burg për veprat penale “Heqja e paligjshme e lirisë” dhe “Vjedhja me dhunë”, të kryera në bashkëpunim.