Është mbajtur këtë të mërkurë seanca në GJKKO për rrëmbimin dhe zhdukjen e Jan Prengës, ku kanë dëshmuar dy vëllezërit e viktimës Ndrek dhe Anton Prenga. Dëshmitarët u thirrën nga SPAK. Fillimisht ka dëshmuar Ndrek Prenga, i cili ka deklaruar se nuk e njeh Dritan Rexhepin, pasi ky i fundit i është prezantuar me emrin Gramoz. Ndrek Prenga: “Më ka thënë ‘Jam Gramozi, gjërat janë të miat, mos të preken’. Unë nuk njoh asnjë nga këto që janë në këtë ngjarje. Nëse mund ta shoh personin me foto që kam fol me kamera, absolutisht e njoh. Nuk them 100%, por e njoh. Pas kësaj dëshmie avokatja Joana Qeleshi ka insituar që t’i tregohet një foto e Dritan Rexhepit. Fillimisht trupa gjykuese nuk pranoi, por si përfundim u dakordësua. Pasi ka parë fotot Ndrek Prenga ka deklaruar se e ka parë dhe më parë personin në foto. Më tej Ndrek Prenga ka vijuar me dëshminë e tij.