Banka e Shqipërisë ndryshoi rregulloren për zyrat e këmbimit valutor duke forcuar kërkesat për reputacionn dhe integritetin e tyre, në përputhje me standardet ndërkombëtare dhe rekomandimet e Moneyval për parandalimin e pastrimit të parave dhe financimit të terrorizmit. Ndryshimet lidhen me rritjen e kapitalit fillestar, dokumentimin e burimit të kapitalit dhe kërkesat për ushtrimin e aktivitetit. Përmes këtij ndryshimi pritet të rregullohet hyrja dhe operimi në treg i subjekteve që plotësojnë kushtet e nevojshme të qëndrueshmërisë financiare, përshtatshmërisë dhe integritetit të strukturave të zotërimit të kapitalit dhe drejtimit të përgjegjshëm.