Gjystina Ndou, bashëkshortja e Petrit Ndout që mbeti i vrarë pasi u godit me çekiç më 20 janar në fshatin Bushnesh të Fushë Krujës ka qenë dëshmitare okulare e ngjarjes. Ajo ka rrëfyer për gazetaren Anila Hoxha të gjithë hollësitë se si nisi sherri, teksa thotë se bashkëshorti i ndjerë i saj ka ndërhyrë për të mbrojtur një çift të moshuarish që po dhunoheshin nga autori i dyshuar i ngjarjes. Gjystina deklaron se ata po ktheheshin për në shtëpi nga një festë familjare dhe rrugës Petrit Ndou identifikon të ndaluar makinën e të njohurve të tij, që po dhunoheshin nga Andi Vokrri dhe dy persona të tjerë. Petrit Ndou ka ndërhyrë duke u thënë që të ndalojnë, pasi brenda në makinë janë të moshuar. Debati kishte lindur për hapjen e rrugës.