Protestuesit rrahën dhe dogjën ministrat në shtëpitë e tyre, ndërsa një debat kundër korrupsionit në Nepal i çoi të rinjtë e vendit në pikën e thyerjes. Qeveria bllokoi aksesin në disa platforma të mediave sociale javën e kaluar, duke përfshirë llogari të përdorura për të përhapur lajme të rreme, gjuhë urrejtjeje dhe për të kryer mashtrime. Rebelimi dhe goditja që pasoi, që la 19 të vdekur dhe 500 të plagosur të hënën pasi policia hapi zjarr ndaj turmës, detyroi kryeministrin komunist të Nepalit të jepte dorëheqjen të martën. Ndalimi i mediave sociale u tërhoq po ashtu, por protestat vazhduan. Të nxitur nga zemërimi, protestuesit sulmuan ndërtesat qeveritare, sulmuan ministrat në rrugë dhe i vunë flakën shtëpisë së kryeministrit. Madje bashkëshortja e ish kryeministrit që udhëhoqi vendin e azisë jugore në 2011, u gjend mes flakëve në shtëpinë e saj. Ajo u dërgua në spital pa ndjenja, me djegie të shkallës së tretë, dhe mbetet në gjendje kritike.