Gjatë muajit prill, roboti “Perseverance” ka dokumentuar fluturimet e helikopterit Ingenuity mbi planetin Mars. Ndërkohë, roboti ka studiuar pejzazhin përreth, si dhe disa shkëmbinj interesantë. Tani, Perseverance po bëhet gati për misionin e tij kryesor: studimin e kraterit Jezero, dhe kërkimin e shenjave të jetës në planetin e Kuq. Mbi 3.9 miliardë vite më parë, krateri ishte një liqen ku derdhej një lumë. Tashmë, gurët e shpërndarë nëpër shtratin e thatë të liqenit, mund t’I ndihmojnë shkencëtarët që të rikrijojnë historinë e kësaj zone të Marsit, si dhe të kuptojnë a ka patur ndonjëherë jetë aty. Të dhënat që bartin këta gurë mund të tregojnë se kur u formua dhe kur u tha liqeni. Krijimi I një kronologjie të tillë, do t’I ndihmonte studiuesit të datojnë kampionet e gurëve që roboti do të grumbullojë gjatë dy viteve të ardhshme. Ato mund të përmbajnë edhe mikrofosile që ruajnë ende gjurmët e jetës së mëparshmë në Mars. Perseverance do t’I kalojë muajt në vazhdim duke eksploruar një rreze prej 2 km në tabanin e kraterit Jezero. Studiuesit besojnë se roboti do të gjejë disa nga materialet më te hershme të planetit të kuq në këtë krater.