Sa herë që tensionet rriten mes Kosovës dhe Serbisë, ose mes serbëve të Kosovës dhe autoriteteve në Prishtinë, paqeruajtësit e misionit të NATO-s, KFOR, luajnë një rol kyc. Ata nuk duhet të bëjnë asgjë në mënyrë të vecantë. Vetëm prezenca e 4 mijë trupave shumëkombëshe, ka bërë mjaftueshëm për të parandaluar ndonjë përshkallëzim serioz në pjesën më të madhe të dy dekadave të shkuara. Autoritetet në Beograd mbështeten tek KFOR-i për të garabtuar sigurinë e serbëve të Kosovës. Ata druajnë se mund të përsëritet sërish dhuna e 2004-ës, që rezultoi me viktima mes serbëve dhe të lënduar...Në të njëjtën kohë, prania e KFOR-it, është edhe një garanci se serbia nuk do të dërgojë forcat e saj në Kosovë. Beogradi është i vetëdijshëm se përplasja me trupat e NATO-s do të ishte dicka shumë e pamencur.