Elon Musk pret që robotët e tij humanoide të dalin në treg vitin e ardhshëm, që edhe ishte një nga disa parashikime "optimiste" nga manjati amerikan i teknologjisë në paraqitjen e tij të parë në Davos. Përpara një salle konferencash të mbushur plot, Musk pati shansin për tu bërë pjesë e një Forumi Ekonomik Botëror të cilin ai e ka tallur prej kohësh si një arenë bisedash "të mërzitshme" të elitave të shkëputura nga realiteti. Por në një "bisedë" jashtëzakonisht të përmbajtur me bashkëkryetarin e Forumit, Larry Fink, gjithashtu CEO i gjigantit të investimeve BlackRock, Musk iu përmbajt skenarit të tij të entuziazmit optimist për Inteligjencën Artificiale, robotikën dhe udhëtimet në hapësirë. "Kush nuk do të donte një robot që të kujdesej për fëmijët e tij, të kujdesej për kafshën e tij shtëpiake. Nëse do të kishe një robot që mund të kujdesej dhe të mbronte një prind të moshuar, kjo do të ishte shumë mirë," i tha ai audiencës.