Prej gati një muaji, një kompani kroate ka lançuar atë që e quan shërbimi i parë robotaxi në Evropë, në rrugët e Zagrebit, me gazetarët e agjencisë franceze të lajmeve AFP, mes të parëve që e provuan atë. E mbështetur nga Uber dhe e mundësuar nga kompania kineze Pony.ai, Verne e Kroacisë po operon 10 automjete të automatizuara për një numër të zgjedhur klientësh, në qytet, që nga 8 prilli. Pavarësisht se shërbime të ngjashme janë të disponueshme në Kinë dhe Shtetet e Bashkuara për vite me radhë, kompani të shumta ende po konkurrojnë për të sjellë shërbime autonome të taksive në rrugët evropiane. Shërbimi i Verne synon të jetë plotësisht autonom, me një "operator" njerëzor përkohësisht pas timonit gjatë lançimit aktual me faza, në rast se nevojitet ndërhyrje. Gjatë udhëtimit me robo-taksi, që sipas kompanisë përdoren nga 300 persona, operatori, një punonjës i Verne, nuk pati nevojë të ndërhynte.